لا تيأس وحاول ولسوف تنجح :)

مالك ؟؟ مخنوق و شايف الدنيا كلها ضلمة قدامى و كل ما اقول خلاص قربت اوصل لحلمى الاقى نفسى برجع لورا ..انا بقيت احسد الناس اللى مش بتحلم و عايشة فى الدنيا كدا وخلاص ومبسوطة طول الوقت مش زيي معلق نفسى بأحلام بتقتلنى و مش عارف اوصلها  ...
..................
ايه الياس دا كله يابنى حرام عليك نفسك هدى اعصابك و ركز فى الكلمتين اللى هقولهملك و ارجوك متستهزأش باللى هقوله علشان تستفيد منه 
انا معاك ان الحياة صعبة و صعبة جدااا و بنفشل فيها اكتر ما بننجح وكل ما هتيجى تقف و تشم نفسك هتديك فوق دماغك و ترجعك لنقطة الصفر ... بس خليك اكبر منها و اوعى تستسلم
اصل انت لو متعبتش علشان توصل لحلمك مش هتحس بطعم النجاح .. 
..................
والله انا فاهم كل الل انتى بتقوليه بس انا تعبت كتير وبردو مش عارف اوصل ومش لاقى حد يشجعنى و لا يساعدنى :( :(
..................
معلش يابنى حاول مرة و اتنين و تلاتة و الف وافتكر ان (النجاح يحتاج للمحاولة ) يعنى كل ما تقع قوم من تانى واوعى تيأس و تستسلم للحياة ..كبــر حلمــك وحاول توصله كأنك أول مرة تحاول

وخلى فى علمك ان انت اللى هتوصل بنفسك محدش هيساعدك اصل الحلم حلمك انت .. لازم تخلى حلمك واصرارك عليه هو اللى يشجعك متنستناش التشجيع من حد ...

على فكرة انت ربنا مديك كل حاجة بامكانهاا توصل لحلمك بس محتاج شوية صبر على شوية محاولااات..

واهم حاجة انك تكون واثق ان ربنا ديما بيريدلك الخير و ان ربنا خلقك علشان يمتعك و يحققلك كل اللى انت عايزه مش خلقك علشان يعزبك ويحرمك من اللى انت بتحلم بيه ..

قرب من ربنا اكتر وابدأ بنية جديدة و حدد حلمك وهدفك من جديد وتيقن انه ربنا هيديهولك و راجع خطواتك من جديد ما يمكن تكتشف انك كنت ماشى غلط و ادعى ربنا كتير و قول اللهم اهدنى الى الصراط المستقيم
صــــــدق نفســــــــــــك و ثـــــــــــــق بالله وانــطــلق من جديد وربنا يهديك ان شاء الله

حواااار تخيلى  بقلمـــــــــــــى Hanan mostafa